PULËZ

Verë e bardhë shqiptare

Verë e bardhë e prodhuar nga varieteti i rrushit Pulëz që ndodhet në Berat, e vjelur në fshatin Roshnik i cili konsiderohet zona më e lashtë e origjinës së këtij varieteti. Vreshtat gjenden në zemër të pyllit, ku derrat e egër e kanë këtë rrush ushqimin e tyre të preferuar. Është një varietet i cili është rritur në mënyrë krejtësisht natyrale për një kohë të gjatë, përpara se fshatarët e zonës të fillonin ta kultivonin. Kjo verë shfaqet me një ngjyrë të artë e të lehtë, me shije frutash të bardha të pjekura mirë dhe një strukturë të shkëlqyer për vjetërim. Kombinohet mirë me ushqimet e detit dhe makaronat.

Verërat Tona

PULËZ

Multi-Vintage

PULËZ

Vreshtat

Vreshtat tona ndodhen në Rroshnik, pranë qytetit historik të Beratit, i vendosur në rajonin kodrinor të Shqipërisë së Jugut. Ky rajon i mrekullueshëm i prodhimit të verës krenohet me një lartësi mbidetare ideale, e cila varion nga 300 deri në 400 metra. Përbërja e terrenit në këtë zonë është e zezë.

Kushtet klimatike

Klima në vendndodhjen e vreshtave përputhet me karakteristikat e një klime mesdhetare. Vera sjell ngrohtësi dhe thatësi, me temperatura mesatare që variojnë nga 25°C deri në 30°C. Dimrat janë të butë dhe ofrojnë një periudhë letargjie për hardhitë. Rajoni ka reshje të moderuara gjatë gjithë vitit, duke garantuar hidratimin e nevojshëm për hardhitë.

Vjelja

Procesi ynë i vjeljes dhe prodhimit të verës realizohet me kujdes maksimal për të siguruar prodhimin e verërave të jashtëzakonshme. Vjelja e rrushit bëhet nga data 10 deri më 25 shtator kur rrushi arrin pjekurinë e tij optimale. Ekipi ynë i përkushtuar vjel me dorë këto hardhi të lashta të cilat përdridhen me hijeshi nëpër pemë, duke ruajtur karakterin dhe shijen e tyre unike.

Prodhimi i verës

Në kantinë, rrushi i nënshtrohet një procesi të përpiktë dhe delikat të prodhimit të verës. Cryo maceration (zbutja e rrushit me anë të të ftohtit) realizohet për 24 orë dhe ndiqet nga shtypja e butë për nxjerrjen e lëngut. Më pas, lëngu kalon një fazë precipitimi natyral në rezervuarë inoksi. Fermentimi i kontrolluar nga i ftohti zhvillohet gjatë një periudhe 12-15 ditore, duke lejuar zhvillimin dhe shprehjen e shijeve delikate.

Profili i Verës

Aroma

Struktura

Aciditeti

Ëmbëlsia

E lehtë

I ulët

E ulët

E fortë

I lartë

E thatë

KOMBINIME PERFEKTE

Një verë e bardhë me ngjyrë të çelur, me nuanca dhe aroma frutash dhe lulesh. Me një profil delikat, kjo verë lë pas një ndjesi të mendafshtë. Aroma e saj e freskët dhe shija e lehtë i japin kësaj vere cilësitë ideale për një kombinim perfekt me recetat e ushqimeve të detit dhe makaronave.

PESHK

PULË

FRUTA DETI

DJATHË

SUSHI